PAANO NA INAY? by Marevel Cemania Antazo

 

PAANO NA INAY?

Paano na nga kaya,ngayong wala ka na?
Sa inyo aming Inay....na nangungulila.?
Ang iyong paglisan,ay malaking kawalan,
... Sa aming lahat na sa iyo'y umaasa.

Paano na ngayon,ang bawat isa,
Na makapagsisimula ng bagong pag-asa.
Ikaw na nagturo.......sa bawat isa.
Nang pagmamahal at magandang aral.

Paano na Inay...ang nasa paligid n'yo...
Na binigyan ninyo,nang tuwa at galak,
Kayong pumagitna,sa bawat pamilya,
Sa t'wing may alitan, ang bawat isa.

Paano na Inay,Kaming sa iyo'y nagmamahal...
Makapamumuhay,nang wala ka na?
Tulungan mo kami sa aming pangungulila...
Sapagkat ikaw Inay.....Ang aming tinitingala!